Samarqand tumanida 378 mln so‘mlik tabiiy gazdan o‘g‘rincha foydalanish holati aniqlandi
2026-03-18 09:45:00 / Yangiliklar
#noqonuniy_holat
“Hududgaz Samarqand” GTF kompleans nazorat tuzilmalari, gaz taʼminoti bo‘limi va huquq-tartibot organlari bilan hamkorlikda Samarqand tumanida tabiiy gazdan noqonuniy foydalanish holatlarini aniqlash va ularni oldini olishga qaratilgan nazorat tadbirlari o‘tkazildi.
Xususan, tumanning “Yuqori Chordara” MFYda o‘tkazilgan xatlov vaqtida fuqaro O. A. o‘z xonadonida issiqxona tashkil etib, taʼminot korxonasi bilan shartnoma tuzmasdan, loyiha-texnik hujjatlarisiz va hisoblagichsiz tarmoqqa ulangan holda “zangori yoqilgʻi”dan noqonuniy foydalanayotgani aniqlandi.
Holat bo‘yicha dalolatnoma tuzilib, 378 million 763 ming so‘mlik tabiiy gaz hajmlari qayta hisob-kitob qilindi. Barcha hujjatlar huquqni muhofaza qiluvchi organlarga yuborildi.