Oʻzbekiston Respublikasi Energetika vazirligi

Davlatimiz rahbari aytganlaridek, “Inson hayotini, jamiyat taraqqiyotini xotin-qizlarsiz, ularning ezgu fazilatlarisiz tasavvur etib bo‘lmaydi”.

Yoqilg‘i-energetika sohasida astoydil mehnat qilib, yurtimiz energiya xavfsizligini ta’minlashga hissa qo‘shayotgan barcha opa-singillarimiz haqiqatan yuksak e’tirofga loyiq.

Sizlarning fidokorona mehnatingiz va tashabbuskorligingiz sohamiz rivojida muhim ahamiyatga ega.

Fursatdan foydalanib, har bir kuningiz yaqinlaringiz mehr-muhabbati hamda hamkasblaringiz e’tibori bilan go‘zal, mazmunli va fayzli o‘tsin. Barcha opa-singillarimizga mustahkam sog‘lik, baxt va oilalaringizga tinchlik-xotirjamlik tilaymiz.

Bayramingiz muborak bo‘lsin, aziz opa-singillar!

Hurmat bilan, 
Energetika vaziri Jo’rabek Mirzamahmudov