Avtobenzin va gaz shoxobchalarda naqdsiz hisob-kitoblarni keng joriy etish va to‘lov tizimlarining uzluksiz ishlatilishi yuzasidan o‘rganishlar olib borilmoqda
2026-02-25 10:30:00 / Yangiliklar
O‘zbekiston Respublikasi Prezidentining 2025-yil 10-dekabrdagi “Naqdsiz hisob-kitoblarni ommalashtirish va yashirin iqtisodiyot ulushini qisqartirishga qaratilgan qo‘shimcha chora-tadbirlar to‘g‘risida”gi PF-246-son Farmoni ijrosini ta’minlash maqsadida Jizzax viloyatida profilaktik tadbirlar amalga oshirilmoqda.
Mazkur chora-tadbirlar doirasida “O‘zenergoinspeksiya” Jizzax viloyati hududiy boshqarmasi hamda soliq organlari xodimlari hamkorligida viloyatdagi avtotransport vositalariga yoqilg’i quyish hamda gaz to‘ldirish shoxobchalarida profilaktik o‘rganishlar olib borilmoqda.
O‘rganishlar jarayonida shoxobchalarda naqdsiz hisob-kitoblarni keng joriy etish, to‘lov tizimlarining uzluksiz ishlatilishi hamda hisob-kitoblarning qonuniy yuritilishi holatlari alohida nazorat qilinmoqda.
Mazkur profilaktik tadbirlar yashirin iqtisodiyot ulushini qisqartirishga xizmat qilmoqda.
Eslatib o‘tamiz, 2026-yil 1-apreldan yoqilg‘i quyish shoxobchalari orqali aholiga neft-gaz mahsulotlarini sotish uchun to‘lovlar faqatgina bank kartalari yoki elektron to‘lov tizimlari orqali amalga oshiriladi.