Bugungi kunda “Hududgaztaʼminot” AJning hududiy gaz taʼminoti filiallari tasarrufida jami 93 099,8 kilometr gaz quvurlari mavjud
2025-12-24 16:40:00 / Yangiliklar
#infografika
Ushbu tarmoqlar orqali respublika boʻylab 4,5 milliondan ortiq isteʼmolchilar tabiiy gaz bilan taʼminlab kelinmoqda.
Gaz quvurlarining bosim darajasiga ko‘ra taqsimoti quyidagicha:
- yuqori bosimli gaz quvurlari – 8 346 km
- o‘rta bosimli gaz quvurlari – 33 471,1 km
- past bosimli gaz quvurlari – 51 282,7 km
Shuningdek, gaz quvurlarining joylashuviga qarab tahlil qilinganda, tarmoqning asosiy qismi yer usti gaz quvurlari hissasiga toʻgʻri kelib, ularning umumiy uzunligi 76 870,8 kilometrni tashkil etadi. Yer osti gaz quvurlari uzunligi esa 16 229 kilometrga teng.
Mazkur gaz quvurlari “Hududgaztaʼminot” AJ mutaxassislari tomonidan yil davomida doimiy ravishda texnik nazoratdan oʻtkazilib, ularga xizmat koʻrsatish, profilaktika va taʼmirlash ishlari amalga oshirilmoqda.