Oʻzbekiston Respublikasi Energetika vazirligi

Intellektuallashtirish — energetika rivojlanishining kelajagi” mavzusida Xalqaro ilmiy-texnik konferensiya oʻtkazilmoqda.

Anjumanning maqsadi — elektr va issiqlik energiyasini ishlab chiqarish, uzatish va taqsimlash hamda undan oqilona foydalanish borasida mavjud masalalarni muhokama qilish, olib borilayotgan ilmiy-tadqiqotlar va olingan natijalar hamda elektr energetikasi sohasi uchun kadrlar tayyorlash masalasi boʻyicha tajriba almashishdan iborat.

Anjuman ishi quyidagi yo‘nalishlar bo‘yicha tashkil etiladi:
1. Yoqilgʻi-energetika kompleksini global tranformatsiyalashda yangi yondashuvlar, energiya samaradorligi, va tejamkorligi;
2. Innovatsion elektr energetika: detsentralizatsiya, raqamlashtirish, intellektuallashtirish, dekarbonizatsiya;
3. Zamonaviy issiqlik energetikasi: fan va amaliyot masalalari;
4. Qayta tiklanuvchi, atom va vodorod energetikasi asosida energetik tizimlar: ishlatilishi, modernizatsiyasi, rivojlanishi;
5. Suv energetikasi muammolari va Markaziy Osiyo mamlakatlarining bu sohadagi hamkorligi;
6. Zamonaviy energetika uchun mutaxassislar tayyorlash: tajriba, uslubiyat, muammolar, istiqbollar.

Anjumanning bu yilgi ishtirokchilari soni 180 nafarni tashkil etgan boʻlib, ularning 40 nafardar ortig‘i MDH davlatlari va xorijiy mamlakatlar ishtirokchilarini qamrab oladi.  Jumladan, Xitoy, Germaniya, Rossiya, Qozog‘iston, Yaponiya, Belorussiya, Janubiy Koreya davlatlaridan sohaning yetakchi olimlari ilmiy ma’ruzalari bilan ishtirok etmoqda.