“...17:00 dan boshlab svet o‘chishni boshlaydi” mazmunidagi xabarlar yolg‘on
2025-12-10 14:30:00 / Yangiliklar
#rasmiy_xabar
Ijtimoiy tarmoqlarda “O‘ZBEKISTON BO‘YLAB KO‘PLAB JOYLARDA SOAT 17:00 dan 21:00 gacha svet o‘chadi” sarlavhali xabarlar tarqatilmoqda.
Ushbu xabarlar mutlaqo noto‘g‘ri mazmunda bo‘lib, ijtimoiy tarmoq egalari tomonidan odamlarni o‘ziga jalb qilish maqsadida shu tartibda yozilgan.
Zaruriyat tug‘ilganda, ayrim hududlarning elektr ta’minotida qisqa muddatli uzilish kuzatilishi mumkinligi haqida rasmiy xabar berilishini ma’lum qilganmiz.
Shu o‘rinda ijtimoiy tarmoq egalaridan tasdiqlanmagan va noto‘g‘ri bo‘lgan ma’lumotlarni tarqatmasliklarini so‘raymiz. Bu bo‘yicha qonunchilikda belgilangan tartibda javobgarlik mavjud ekanligini eslatib o‘tamiz.