BAAning GSU kompaniyasi va Toshkent davlat texnika universiteti o‘rtasida hamkorlik yo‘lga qo‘yiladi
2025-11-28 10:00:00 / Yangiliklar
Energetika vazirligi, BAAning “Global South Utilities” (GSU) kompaniyasi va “Yashil energiya” MCHJ vakillari Toshkent davlat texnika universitetida bo‘lishdi.
Unda qayta tiklanuvchi energiya manbalari bo‘yicha milliy va xalqaro loyihalarni rivojlantirish, zamonaviy texnologik yechimlarni joriy etish, kadrlar tayyorlashning zamonaviy standartlarini shakllantirish va ta’lim jarayonlarining amaliy yo‘nalishini yanada mustahkamlash masalalari muhokama qilindi.
GSU delegatsiyasi universitetning ilmiy va innovatsion salohiyati, undagi laboratoriyalarning imkoniyatlari hamda yosh mutaxassislar bilan ishlash borasidagi tajribasini yuqori baholadi.
Uchrashuv yakunida tomonlar qo‘shma ta’lim va ilmiy loyihalarni amalga oshirish, talabalar va professor-o‘qituvchilar uchun amaliy o‘quv dasturlarini tashkil etish, shuningdek, qayta tiklanuvchi energetika sohasida innovasion tashabbuslarni yo‘lga qo‘yishga kelishib oldilar.