Samarqand - global muloqot markazi: Osiyo taraqqiyot bankining 59-Yillik yig‘ilishiga taklif etamiz
2026-04-01 09:00:00 / Yangiliklar
2026-yilning 3-6-may kunlari qadimiy Samarqand shahrida Osiyo taraqqiyot banki (OTB) Boshqaruvchilar kengashining 59-Yillik yig‘ilishi bo‘lib o‘tadi. O‘zbekiston Respublikasi Investitsiyalar, sanoat va savdo vazirligi hamkorligida tashkil etilayotgan ushbu nufuzli tadbir dunyo moliyaviy yetakchilari, iqtisodiyot vazirlari va ekspertlarni “Taraqqiyot chorrahalari: mintaqaning o‘zaro bog‘langan kelajagini qo‘llab-quvvatlash” shiori ostida birlashtiradi.
Anjuman dasturi barqaror rivojlanish va iqtisodiy integratsiya masalalarini qamrab oladi. Ishtirokchilar e’tibor markazida raqamli infratuzilmani rivojlantirish, energetik o‘tish jarayonlarini moliyalashtirish, oziq-ovqat xavfsizligini ta’minlash va mintaqaviy hamkorlikni mustahkamlash kabi mavzular bo‘ladi. Tadbir doirasida Boshqaruvchilarning biznes-sessiyasi hamda sanoatdagi muhim ta’minot zanjirlariga bag‘ishlangan seminarlar o‘tkaziladi.
Asosiy tadbirlar Kongress-Center va Expo Centerda bo‘lib o‘tadi. Kun tartibidan ASEAN+3 mamlakatlari, Saudiya Arabistoni va boshqa subregional guruhlar moliya vazirlarining uchrashuvlari va “OTB xususiy sektor kuni” o‘rin olgan.
Tadbirda ishtirok etish uchun arizalar 2026-yil 15-aprelga qadar qabul qilinadi. Ro‘yxatdan o‘tish va batafsil dastur bilan adb.org saytida tanishishingiz mumkin.