O‘zbekiston Respublikasi Maktabgacha va maktab ta’limi vazirligi huzuridagi Ixtisoslashtirilgan ta’lim muassasalari agentligi

Ixtisoslashtirilgan taʼlim muassasalari agentligi tizimidagi ijod hamda ixtisoslashtirilgan maktablarda IV chorak ChSB (choraklik summativ baholash) imtihonlari yakunlandi.

Choraklik summativ baholash savollari Agentlik huzuridagi Pedagogik mahorat va xalqaro baholash ilmiy-amaliy markazi tomonidan oʻquv dasturlarga muvofiq ishlab chiqildi.

Eʼtiborlisi, 2024/2025-oʻquv yilida ChSB imtihonlari ilk bor toʻliq onlayn shaklda oʻtkazildi. 

Uch kun davom etgan ChSB imtihonlarida ijod hamda ixtisoslashtirilgan maktablardan jami 66 352 nafar oʻquvchi ishtirok etdi. Xususan, 5-, 6-sinf oʻquvchilari matematika, ingliz tili fanlari boʻyicha, 7-, 8-, 9-, 10-,11-sinf oʻquvchilari algebra, geometriya, fizika, biologiya, kimyo, ingliz tili fanlari boʻyicha bilimlarini sinovdan oʻtkazdi.

Shuningdek, matematika fanlari chet tilida oʻqitish amaliyoti joriy etilgan 1 ta ijod (8-sinflar) hamda 11 ta ixtisoslashtirilgan (5-, 6-sinflar) maktablarda nazorat sinovlari oʻtkazildi.

Jarayonlardan suratlar.