Ixtisoslashtirilgan ta’lim muassasalari agentligida Ijro intizomi idoralararo elektron tizimi “Edo.ijro.uz” joriy etilgan. “Edo.ijro.uz” elektron hujjat aylanish tizimi orqali 2023-yilda 4 052 ta, 2024-yil davomida 5 755 ta, jami 9 807 ta hujjat kelib tushgan.
Agentlikda himoyalangan “Ye-XAT” axborot tizimi ishga tushirilgan bo‘lib, 2024-yilda 1 412 ta hujjat kelib tushgan.
“HRM.ARGOS.UZ” tizimi 2024-yil 19-fevralda yo‘lga qo‘yilgan. Agentlik faoliyatida amalda 2 ta axborot tizimlaridan foydalaniladi.

1.  Ixtisoslashtirilgan ta’lim muassasalari agentligi tizimiga ishga kirishda onlayn ariza topshirish imkoniyatini yaratuvchi “Rekruting elektron platformasi” axborot tizimi (22.08.2022-yildagi PQ-357-son qaroriga asosan 2023-yilda joriy etilgan).
Axborot tizimi (uzinfocom.uz) Davlat axborot tizimlarini yaratish va qo‘llab-quvvatlash bo‘yicha yagona integrator “UZINFOCOM” MCHJ tomonidan ishlab chiqilgan.
Tizimning asosiy vazifasi: Agentlik tizimidagi barcha maktablardagi mavjud bo‘sh ish o‘rinlari to‘g‘risida to‘liq ma’lumot berish, mazkur bo‘sh ish o‘rinlari o‘qituvchilarni ishga qabul qilish hamda arizalarni onlayn yuborish jarayonini avtomatlashtirish va raqamlashtirish.
Axborot tizimi foydalanuvchilarga xizmat taqdim etuvchi (vacancy.piima.uz) va mas’ul mutaxassislarning ishini tashkil etuvchi (rekruting.piima.uz) quyi tizimlaridan tashkil topgan.

2. Prezident, ijod va ixtisoslashtirilgan maktablarning faoliyatini avtomatlashtirish axborot tizimlari kompleksi
(E-PIIMA.ATK) (04.10.2020-yildagi PF-6079-son Farmoniga asosan 2021-yilda joriy etilgan).
Axborot tizimi (uzinfocom.uz) Davlat axborot tizimlarini yaratish va qo‘llab-quvvatlash bo‘yicha yagona integrator “UZINFOCOM” MCHJ tomonidan ishlab chiqilgan.
Tizimning asosiy vazifasi: veb-darslarni (masofaviy darslar, konferensiyalar, seminarlar, laboratoriya ishlari, telekommunikatsiya va Internet imkoniyatlaridan foydalangan holda o‘tkaziladigan o‘quv mashg‘ulotlari) tashkil etish imkoniyatini yaratish, o‘quvchilar tomonidan bajarilgan uy vazifalarini masofadan turib tekshirish imkoniyatini joriy etish, bajarilgan uy vazifasi bo‘yicha o‘quvchilarni baholash imkoniyatini yaratish, o‘quv jarayonini avtomatlashtirish (o‘quv reja, taqvim reja, dars jadvali, elektron kundalik yuritish, elektron jurnal va h.k.)
Axborot tizimida 11 ta rollar ajratilgan bo‘lib, foydalanuvchilar soni 77 028 nafarni tashkil etadi.
Axborot tizimida o‘quvchilar va ota-onalar (maktab.piima.uz) va pedagogik faoliyat modullari (online.piima.uz) mavjud. O‘quvchilar va ota-onalar modulida o‘quvchining shaxsiy ma’lumotlari, tahsil olayotgan ta’lim muassasasi, sinfi, dars jadvali, fanlar bo‘yicha chorak va yillik baholari va elektron kundalik to‘g‘risida ma’lumotlar mavjud. Pedagogik faoliyat modulida 205 ta ta’lim muassasasi statistik ma’lumotlar, sinflar (3 621 ta), o‘quv rejalari (359 ta), fanlar (5 844 ta), o‘qituvchilar (9 201 ta), auditoriyalar (7 943 ta), dars jadvallari va jurnallar to‘g‘risida ma’lumotlar, o‘quvchilar reestri, hisobotlar shakllantirish paneli va o‘quvchilar qo‘shish, ochirish, o‘qituvchilarni almashtirish funksiyalari joriy etilgan.
Portalning ochiq qismi veb-interfeysi (portal.piima.uz) maktablar to‘g‘risida ma’lumotlar, maktabga qabul, yangiliklar va qayta aloqa bo‘limlaridan iborat.
Ariza yuborish moduli (ariza.piima.uz) shaxsiy kabinetida ariza yuborgan o‘quvchining ma’lumotlari va imtihon natijalarini ko‘rish imkoniyati yaratilgan.
Ma’lumot uchun: 2024-yilda jami 281 mingdan ziyod onlayn arizalar kelib tushgan.
“E-PIIMA” ATK Adliya vazirligi huzuridagi Davlat personallashtirish agentligi (fuqarolarning shaxsiy ma’lumotlari), Adliya vazirligi (FXDYO ma’lumotlari), Maktabgacha va maktab ta’limi vazirligi (erp-maktab), O‘zbekiston Respublikasi Prezidenti huzuridagi Davlat xizmatini rivojlantirish agentligi (hrm.argos) axborot tizimlari bilan integratsiya qilingan.