O‘zbekiston Respublikasi Maktabgacha va maktab ta’limi vazirligi huzuridagi Ixtisoslashtirilgan ta’lim muassasalari agentligi

Umumiy o‘rta ta’lim maktablarining 8-9-sinf o‘quvchilari orasida o‘tkazilgan "Bilimdonlar musobaqasi" intellektual tele-viktorina o‘yinida Qoraqalpog‘iston Respublikasi miqyosida Qorao‘zak tumani terma jamoasi faxrli 1-o‘rinni egallab, Birlashgan Arab Amirligining Dubay shahriga ta’lim sayohatiga yo‘llanmani qo‘lga kiritgan edi.

G‘olib jamoa safida Qorao‘zak tuman ixtisoslashtirilgan maktabining iqtidorli o‘quvchilari ham bo‘lib, ular ayni vaqtda Dubay shahrida ta’lim sayohatini davom ettirmoqda. 

Sayohat davomida o‘quvchilarimiz Dubayning zamonaviy ta’lim tizimi va innovatsion texnologiyalar sohasidagi ilg‘or yutuqlari bilan yaqindan tanishmoqda. Shuningdek, xorijlik tengdoshlari bilan bilim va tajribalar almashmoqda.