Bitiruvchimiz xorijiy universitetning 350 000 AQSh dollariga teng toʻliq grantiga sazovor boʻldi
2025-03-03 14:15:00 / Xalqaro taʼlim grantlari
Toshkent shahridagi Prezident maktabining 11-sinf oʻquvchisi Nozima Ulashova Abu Dabi Nyu-York universitetiga toʻliq grant asosida oʻqishga qabul qilindi
Toshkent shahridagi Prezident maktabining 11-sinf oʻquvchisi Nozima Ulashova Abu Dabi Nyu-York universitetiga toʻliq grant asosida oʻqishga qabul qilindi. Bitiruvchimiz yutgan grant miqdori 350 000 AQSh dollarini tashkil qiladi.
Maʼlumot oʻrnida, Abu Dabi Nyu-York universiteti (NYU Abu Dhabi) – bu Nyu-York universitetining (NYU) xalqaro tarmoqlaridan biri boʻlib, BAAning Abu Dabi shahrida faoliyat olib boradi. Oliygoh Nyu-York universitetining akademik dasturlarini taqdim etadi. Shuningdek, talabalar uchun global miqyosda taʼlim olish imkoniyatlarini beradi.
Oʻquvchimizning kelgusidagi ishlarida omad va ulkan zafarlar tilaymiz!