O‘zbekiston Respublikasi Maktabgacha va maktab ta’limi vazirligi huzuridagi Ixtisoslashtirilgan ta’lim muassasalari agentligi

Ixtisoslashtirilgan ta’lim muassasalari agentligi tizimidagi maktablarda “Kelajak soati” mashg‘ulotlari davom etmoqda. Navbatdagi mashg‘ulotlar o‘quvchilarda Vatanga daxldorlik tuyg‘usini, milliy qadriyatlarga hurmatni va fuqarolik mas’uliyatini mustahkamlashga qaratildi.

5–8-sinf o‘quvchilari “Mustaqillik yillari yutuqlari” mavzusida oila a’zolari bilan suhbatlashib, bildirilgan fikr va xulosalarni maktabdagi mashg‘ulotlarda muhokama qilmoqda.

9–11-sinf o‘quvchilari esa “Mening oilam — Vatanimning bir bo‘lagi” mavzusida o‘z oilasi davrasida fikr almashib, olingan xulosalarni sinfdoshlari bilan tahlil qilmoqda.