O‘zbekiston Respublikasi Maktabgacha va maktab ta’limi vazirligi huzuridagi Ixtisoslashtirilgan ta’lim muassasalari agentligi

Xitoyning Yinghua Academy ta’lim muassasasidan tashrif buyurgan 18 nafar o‘quvchi va o‘qituvchilardan iborat delegatsiya Toshkent xalqaro aeroportida samimiy kutib olindi.

Tashrif doirasida delegatsiya Ixtisoslashtirilgan ta’lim muassasalari agentligi tomonidan tashkil etilgan “Yangi zamon bitiruvchi yoshlari” forumida ishtirok etadi hamda O‘zbekistonning ta’lim tizimi va yoshlar hayoti bilan yaqindan tanishish imkoniyatiga ega bo‘ladi.

Mazkur tashrif ikki davlat o‘rtasidagi ta’lim sohasidagi hamkorlikni yanada mustahkamlash, ilg‘or tajribalarni almashish hamda O‘zbekiston va Xitoy yoshlari o‘rtasidagi do‘stona aloqalarni rivojlantirishga xizmat qiladi.