O‘zbekiston Respublikasi Maktabgacha va maktab ta’limi vazirligi huzuridagi Ixtisoslashtirilgan ta’lim muassasalari agentligi

Ixtisoslashtirilgan ta’lim muassasalari agentligi direktori Sevara Shakirova AQShning Yale universiteti (Muhandislik va amaliy fanlar maktabi) dekani o‘rinbosari, FIRST Robotics xalqaro dasturining milliy direktori doktor Vinsent Vilchinski bilan uchrashuv o‘tkazdi.

Uchrashuvda Agentlik tomonidan Prezident maktablari tarmog‘i va “Prezident iqtidorli farzandlari” milliy dasturi natijalari haqida ma’lumot berildi. Amerikalik ekspert O‘zbekistonda qisqa vaqt ichida erishilgan yutuqlarni yuqori baholab, amalga oshirilayotgan islohotlarning ko‘lamiga alohida e’tibor qaratdi.

Hamkorlikning asosiy yo‘nalishlari:

FIRST Robotics metodikalarini joriy etish — bu dastur nafaqat texnik ko‘nikmalarni rivojlantirish, balki bolalarni barqaror oziq-ovqat va energetika tizimlarini yaratish kabi real global muammolarni jamoaviy hal qilishga o‘rgatadi. Dasturni muvaffaqiyatli joriy etish uchun amerikalik mutaxassislar O‘zbekistonga kelib, o‘qituvchilar uchun maxsus treninglar va malaka oshirish dasturlarini o‘tkazishga tayyor.

O‘qituvchilar uchun treninglar — AQShlik ekspertlar tomonidan bevosita joylarda amaliy mashg‘ulotlar tashkil etiladi. Bu esa pedagog kadrlarning xalqaro standartlarga mos tayyorgarlik darajasini oshirishga xizmat qiladi.

🟢Yale universiteti bilan hamkorlik aloqalari — Yale vakillari O‘zbekistondagi o‘quvchilarga grant ajratish imkoniyatlarini kengaytirishni qo‘llab-quvvatlashga tayyor ekanliklarini bildirdi.

Uchrashuv yakunida belgilangan tashabbuslarni amalga oshirish maqsadida tomonlar o'rtasida hamkorlik memorandumini ishlab chiqishga kelishib olindi.

Bu hamkorlik iqtidorli o‘zbek yoshlari uchun jahon darajasidagi ta’limga yangi eshik ochadi