Yangi yil — yangi zafarlar bilan boshlandi!
2026-01-01 09:05:00 / Yangiliklar
Yangi yilning ilk xushxabari ta’lim maydonidan! 2026-yil biz uchun yaxshi yangiliklar bilan boshlanmoqda.
Agentlik tizimidagi Farg‘ona shahridagi Prezident maktabi 11-sinf o‘quvchisi Otabek Komilov Doniyor o‘g‘li dunyoning eng nufuzli oliy ta’lim muassasalaridan biri — Mohammed Bin Zayed University of Artificial Intelligence universitetiga to‘liq grant asosida qabul qilindi.
MBZUAI — dunyoda sun’iy intellektga ixtisoslashgan birinchi universitet bo‘lib, QS xalqaro reytingiga ko‘ra AI yo‘nalishida dunyoning TOP-10 universitetlari safidan joy olgan.
Yangi yil sovg‘asi — bilimga berilgan yuksak ishonch:
— yiliga 45 000 AQSh dollari
— 4 yil uchun jami 180 000 AQSh dollari miqdoridagi to‘liq grant.
O‘quvchimizning yutuqlari:
➖IELTS — 7 ball
➖ AMC (Amerika matematika olimpiadasi) — milliy bosqich oltin medal
➖ SEAMO (Janubi-Sharqiy Osiyo matematika olimpiadasi) — milliy bosqich oltin medal
➖ V2E nomli sun’iy intellekt loyihasi asoschisi
Yangi yilning ilk kunidanoq iqtidorlarimiz yetakchi xalqaro oliygohlar safida! Otabekni ushbu ulkan yutug‘i bilan samimiy tabriklaymiz va 2026-yil davomida yana ko‘plab shunday xushxabarlar bo‘lishiga ishonamiz!