O‘zbekiston Respublikasi Maktabgacha va maktab ta’limi vazirligi huzuridagi Ixtisoslashtirilgan ta’lim muassasalari agentligi

Ta’lim muassasalarida kadrlar salohiyatini samarali boshqarish masalalariga bag‘ishlangan o‘quv-amaliy seminar doirasida ishtirokchilar Agentlik tizimidagi Yangi O‘zbekiston universiteti tajribasi bilan yaqindan tanishdi.

Shuningdek, seminar davomida universitetda joriy etilgan HR menejment tizimi, institutsional boshqaruv samaradorligini oshirish mexanizmlari, inson resurslarini strategik boshqarish hamda kadrlar salohiyatini rivojlantirishga qaratilgan zamonaviy yondashuvlar taqdim etildi.

Xususan, kadrlarni ishga qabul qilish jarayonida sun’iy intellektdan foydalanish, shuningdek, ta’lim jarayonlariga HR instrumentlarini integratsiya qilish bo‘yicha amaliy tajribalar seminar ishtirokchilarida katta qiziqish uyg‘otdi.

Mazkur seminar orqali ishtirokchilar davlat HR tizimida ta’lim, raqamlashtirish va innovatsion boshqaruv yondashuvlarini uyg‘unlashtirish asosida boshqaruv samaradorligini yanada oshirishga doir muhim ko‘nikmalarga ega bo‘lishdi.