O‘zbekiston Respublikasi Maktabgacha va maktab ta’limi vazirligi huzuridagi Ixtisoslashtirilgan ta’lim muassasalari agentligi

Maʼlumot uchun: Pearson tashkiloti — Buyuk Britaniyadagi dunyoning eng yirik taʼlim kompaniyalaridan biri bo‘lib, U darsliklar chop etish, raqamli taʼlim resurslarini yaratish bilan bir qatorda, PTE (Pearson Test of English) va PEIC (Pearson English International Certificate) singari xalqaro tan olingan imtihonlarni tashkil etadi.  

Uchrashuvda Agentlik direktori Sevara Shakirova Pearson xalqaro tashkilot vakillari Justine Carmel va Michael Richard Hewett bilan suhbat olib bordi.

Uchrashuv davomida President maktablarida “Pearson Edexcel” dasturining natijalari, shuningdek, kelgusidagi hamkorlik istiqbollari muhokama qilindi. 

✔️Yangi o‘quv yilidan ixtisoslashtirilgan maktablardagi Cambridge sinflariga “Pearson Edexcel” dasturini tatbiq etish — asosiy ustuvor yo‘nalish sifatida belgilandi.

 Uchrashuvda quyidagilarga kelishildi:
- O‘qituvchilarga o‘quv materiallaridan foydalanish masalasini hal qilish
- Prezident maktablaridagi imtihon mas’ullariga onlayn uchrashuvlar tashkil etish
- STEM yo‘nalishi o‘qituvchilari uchun kasbiy rivojlanish dasturini ishlab chiqish
- Hamkorlikni Kembrij dasturi joriy etilgan ixtisoslashtirilgan maktablarga kengaytirish.

Uchrashuv ikki tomonlama hamkorlikni yanada mustahkamladi.