“Prezident iqtidorli farzandlari” milliy dasturi doirasidagi mashg‘ulotlar izchil va samarali tarzda davom etmoqda!
2025-11-14 17:05:00 / Yangiliklar
Agentlik tizimidagi “Renessans” oromgohida o‘quvchilar uchun tashkil etilgan darslar kun sayin yanada qiziqarli va mazmunli bo‘lib bormoqda.
Mashg‘ulotlar interfaol usullar, jamoaviy loyihalar va amaliy topshiriqlar bilan boyitilgan bo‘lib, bu esa ishtirokchilarning o‘quv jarayoniga bo‘lgan qiziqishini yanada oshirmoqda.
Tajribali murabbiylar va o‘qituvchilar o‘quvchilarga nafaqat yangi bilim berishmoqda, balki ularda mustaqil fikrlash, tashabbuskorlik va yetakchilik ko‘nikmalarini shakllantirishga ham alohida e’tibor qaratishmoqda.
Dastur ishtirokchilari esa bir-birlari bilan yaqin hamkorlikda ishlash, o‘z iqtidorini namoyish etish, yangi tanishlar orttirish va ijodiy g‘oyalarini ro‘yobga chiqarishda faol ishtirok etmoqda.