O'zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi

http://www.youtube.com/watch?v=itxApNAW8Ys So‘nggi  yillarda  mamlakatimizda  korrupsiyaning  oldini  olish  va  unga  qarshi  kurashish,  davlat  va  jamiyat  qurilishining  barcha  sohalarida korrupsiogen  omillarga  chek  qo‘yishga  qaratilgan  keng  ko‘lamli  islohotlar  izchil  amalga  oshirilmoqda.  Davlat  organlari  zimmasidagi  vazifa  va funksiyalarni  bajarishda  yuzaga  keladigan  korrupsiyaga  oid  xavf-xatarlarni  baholash  tizimini  takomillashtirish  hamda  davlat  xizmatiga halollik  standartlarini  joriy  etish  bo‘yicha  ishlar  olib  borilmoqda.  Shuningdek, korrupsiyani oldini olish va unga qarshi kurashish sohasida olib borilayotgan ishlarning natijadorligini oshirish, muhim ijtimoiy masalalarga oid ochiq ma’lumotlar ko‘lamini yanada kengaytirish, ulardan to‘siqlarsiz foydalanishni ta’minlash, shuningdek, «O‘zbekiston — 2030» strategiyasida belgilangan vazifalarni amalga oshirish qo‘mita oldida turgan muhim vazifalar hisoblanadi. Yuqoridagi vazifalar ijrosi doirasida, qo‘mitaning quyidagi ichki idoraviy hujjatlari rasmiylashtirilib, zaruratga qarab yangilanib borilmoqda:

Jumladan, Qo‘mitani korrupsiyaga qarshi kurashish siyosati;
odob-axloq qoidalari;    
korrupsiyaviy xavf-xatarlarni baholash uslubiyoti;
manfaatlar to‘qnashuvini boshqarish bo‘yicha nizom;        

aloqa kanallari orqali korrupsiyaviy xatti-harakatlar to‘g‘risida kelib tushgan xabarlarni qabul qilish va ko‘rib chiqish reglamenti;

xodimlarining korrupsiyaga qarshi kurashish sohasida o‘qitilishini tashkil qilish bo‘yicha yo‘riqnoma;

kontragentlarni tekshirishga oid yo‘riqnoma;

ishga qabul qilinayotgan nomzodlarni tekshirish bo‘yicha yo‘riqnoma;

korrupsiyaga qarshi kurashish samaradorligini monitoring va nazorat qilish uslubiyoti;

korrupsiyaga qarshi kurashish tizimining holati haqidagi hisobotni shakllantirish va taqdim etish reglamenti;

korrupsiyaviy xatti-harakatlar va odob-axloq qoidalarini buzish holatlari ustidan xizmat tekshiruvlari o‘tkazish bo‘yicha reglament hamda davlat xaridlarini o‘tkazish to‘g‘risidagi nizomdir.

Shu  bilan  birga,  tizim  xodimlarining  Korrupsiyaga  qarshi  kurashish  bo‘yicha  ichki nazorat  qoidalariga rioya qilinishi nazoratga olinib,  tizimda  korrupsiya  xavfiga  eng  ko‘p  moyil  bo‘lgan  faoliyat  yo‘nalishlari va  lavozimlari  ro‘yxati  shakllantirilgan. Shuningdek, Qo‘mita markaziy apparat va hududiy bo‘limlariga O‘zbekiston  Respublikasi  Prezidenti  huzuridagi  Davlat  xizmatini  rivojlantirish  agentligi talablari asosida tizimidagi  vakant  lavozimlarga  ishga  qabul  qilish  uchun ochiq tanlov  asosida  saralab olish amaliyoti  joriy  etilgan. O‘z  navbatida,  Qo‘mita  tizimida  korrupsiyaga  qarshi  kurashish  samaradorligini  tubdan oshirish,  bu  borada  belgilangan  vazifalar  korrupsiya  holatlarining  sabab  va  shart-sharoitlarini  aniqlash,  ularni  bartaraf  etishning  ta’sirchan  tizimini  yaratish  maqsadida, Qo‘mita markaziy  apparati  tuzilmasida  korrupsiyaga  qarshi  komplaens nazorat bo‘limi tashkil  etilgan  bo‘lib, bo‘limning Nizomi  va  lavozim  yo‘riqnomasi  tasdiqlangan.  Shu  bilan  birga,  huquqbuzarliklar  va  ularga  sharoit  yaratuvchi  omillar  haqidagi  xabarlar,  korrupsiyaga  oid  huquqbuzarliklarni  aniqlash  va  o‘z  vaqtida  oldini  olish  maqsadida  Qo‘mita  tizimida  korrupsiyaga  qarshi  kurashish  masalalari  bo‘yicha “ishonch  telefoni” (71) 203-02-39 (25)  faoliyati  yo‘lga  qo‘yilgan  va  nizomi  tasdiqlangan.  Ushbu  nizomda  «Jismoniy  va  yuridik  shaxslarning  murojaatlari  to‘g‘risida», “Korrupsiyaga  qarshi  kurashish  to‘g‘risida”gi  qonunlariga  muvofiq  arizalarni  qabul  qilish,  Qo‘mita  tizimidagi  korrupsiya  bilan  bog‘liq  shikoyatlar  ko‘rib  chiqish  tartibi  belgilangan.  Qo‘mitada  korrupsiyaga  qarshi  kurashishga  oid  anonim  shikoyatlar  uchun  alohida  elektron  pochta komplaens@cirns.uz  yaratilib,  o‘z  faoliyatini  belgilangan  tartibda  olib bormoqda. Shuningdek,  bugungi  kunda  Korrupsiyaga  qarshi  kurashish  agentligi  tomonidan  ishlab  chiqilgan  Birlashgan Millatlar Tashkiloti Taraqqiyot Dasturining  “O‘zbekistonda  samarali,  hisob beruvchi  va  shaffof  boshqaruv  institutlari  orqali  korrupsiyaga  qarshi  kurashish”  loyihasi  bilan  birgalikda  ISO 37001:2016  korrupsiyaga  qarshi  standartidan  kelib  chiqib,  korrupsiyaga qarshi  ichki  nazorat  tizimini  joriy  etuvchi  tavsiyaviy  hujjatlar  to‘plamidan  foydalangan  ishlar  olib  borilmoqda. Sanoat, radiatsiya va yadro xavfsizligi qo‘mitasi markaziy apparati va hududiy bo‘limlari xodimlarini korrupsiyaga qarshi kurashish bo‘yicha malakasini muntazam oshirib borish maqsadida, 2024 yil va 2025 yilning birinchi choragi davomida “Korrupsiyaga qarshi kurashish mavzusida” 18 marotaba  o‘quv semenarlari tashkil etildi. Bundan tashqari, Qo‘mita markaziy apparati tarkibiy bo‘linmalari va hududiy organlari xodimlarini korrupsiyaga qarshi kurashish bo‘yicha bilim va ko‘nikmalarini baholash yuzasidan test sinovlari o‘tkazildi. Shuningdek, Qo‘mita tomonidan O‘zbekiston Respublikasining “Manfaatlar to‘qnashuvi to‘g‘risida”gi Qonunning 18 moddasi talablari doirasida qo‘mita markaziy apparatining 53 nafar mas’ul xodimlari tomonidan ehtimoliy manfaatlar to‘qnashuvi to‘g‘risidagi deklaratsiyani to‘ldirishi ta’minlandi. Bundan tashqari, qo‘mitaga ishga qabul qilinayotgan nomzodlar, shuningdek boshqa ishga o‘tkazilgan xodimlardan ehtimoliy manfaatlar to‘qnashuvi to‘g‘risidagi belgilangan shakldagi deklaratsiyani to‘ldirish amaliyoti yo‘lga qo‘yilgan. 2025 yil 1 chorak holatida qo‘mita markaziy apparati xodimlari tomonidan to‘ldirilgan ehtimoliy manfaatlar to‘qnashuvi to‘g‘risidagi deklaratsiya tahliliga ko‘ra 1 nafar mas’ul xodim bilan mehnat shartnomasi bekor qilingan, 1 nafari boshqa pastroq lavozimga o‘tkazilgan va 2 nafari intizomiy javobgarlikka tortilgan.