Davlat xizmatida boshqaruv samaradorligini oshirish: HR rahbarlari uchun o‘quv-seminar boshlandi
2025-12-16 14:30:00 / Yangiliklar
Mazkur tadbir davlat xizmati tizimida inson resurslarini boshqarishni yangi bosqichga olib chiqish va sohada zamonaviy standartlarni joriy etish maqsadida tashkil etildi.
O‘quv-seminarning kun tartibidagi asosiy masala — O‘zbekiston Respublikasi Prezidentining “Davlat xizmatida boshqaruv samaradorligini yanada oshirish chora-tadbirlari to‘g‘risida”gi yangi Farmonining mazmun-mohiyatini chuqur o‘rganishdan iboratdir.
Tadbir davomida ishtirokchilar Farmonda belgilangan ustuvor vazifalar, xususan:
-
Davlat xizmatchilari faoliyati samaradorligini baholashning yangi mexanizmlari;
-
Kadrlar siyosatida ochiqlik va shaffoflikni taʼminlash;
-
HR mutaxassislari oldida turgan dolzarb masalalar va ularning yechimlari yuzasidan o‘zaro fikr almashmoqdalar.
Ushbu seminar davlat organlarida kadrlar salohiyatini oshirish va boshqaruv tizimini takomillashtirishda muhim qadam bo‘lib xizmat qiladi.