O'zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi

🔹 Forumda ishtirok etayotgan mutaxassislar Ozarbayjon, Qozog‘iston, Rossiya va Tataristonning yirik neft va gaz kompaniyalaridan kelgan ekspertlar, sanoat xavfsizligi va mehnat muhofazasi masalalarini chuqur muhokama qilishmoqda.

💡 Forum davomida, Sanoat, radiatsiya va yadro xavfsizligi qo‘mitasi mutaxassislari XIChOlarida xavfli ish sharoitlarini kamaytirish, ishchilarni himoya qilish, shuningdek, xavfsizlik madaniyatini oshirish bo‘yicha o‘z bilimlarini boshqalar bilan bo‘lishmoqdalar.

🔹 Shuningdek, forum davomida ishtirokchilar “Uzbekistan GTL” zavodi faoliyati bilan tanishib, zavoddagi sanoat xavfsizligi tizimi va innovatsion texnologiyalarni o‘rgandilar. Tadbirda zavodning xavfsiz ishlash jarayonlari, texnik jihatdan rivojlangan inshootlar va innovatsion usullarni qo‘llash tajribalari alohida e’tirof etildi.

📌 Ma'lumot uchun, Uzbekistan GTL — bu O‘zbekistonning GTL (gas-to-liquids) texnologiyasi asosida ishlaydigan yirik zavodi bo‘lib, u tabiiy gazdan sintetik yoqilg‘i mahsulotlarini ishlab chiqaradi. Zavodning yillik quvvati 3,6 milliard kubometr tabiiy gazni qayta ishlashni hamda 1,5 million tonna sintetik yoqilg‘i ishlab chiqarishni ta’minlaydi. Bu loyiha O‘zbekistonning energetika sohasidagi muhim tashabbus bo‘lib, uning asosiy maqsadi — tabiiy gazni qayta ishlash orqali yangi yoqilg‘i turlarini ishlab chiqarish, shuningdek, ekologik jihatdan toza energiya manbalarini yaratishdir. Zavodning faoliyati mamlakatning energetik xavfsizligini ta’minlashga, energiya importidan qochishga va mahalliy sanoatni rivojlantirishga katta hissa qo‘shadi.