Kurslarni bitirgan talabalar Koreyada ishlaydi
2025-01-31 19:05:00 / Vazirlik yangiliklari
Kambagʻallikni qisqartirish va bandlik vaziri Botir Zaxidov hamda Koreya Xalqaro hamkorlik agentligi (KOICA)ning Oʻzbekistondagi ofisi direktori Shin Myong Sop oʻrtasida uchrashuv boʻlib oʻtdi. Unda KOICA bilan hamkorlikda amalga oshirilayotgan loyihalarning bugungi holati va kelgusidagi rejalar muhokama qilindi.
Shuningdek, 2026-2030-yillarga moʻljallangan “Malakali va professional kadrlarni tayyorlash” loyihasini amalga oshirishga kelishildi.
Ma'lumot uchun:
Loyiha doirasida Kasbiy koʻnikmalar mintaqaviy markazlarida fuqarolar payvandlash kasbi hamda koreys tili va madaniyati boʻyicha oʻqitiladi. Kurslarni bitirgan talabalar Koreya Respublikasida ishlash imkoniga ega bo'lishadi.