Dastlab ishchi guruh viloyatning Qarshi tumanidagi Quyi Baqirchi qishlog'ida bo‘lib dehqon xo'jaliklari faoliyati bilan yaqindan tanishdi.

Shundan so'ng tumandagi 10 gektar yer maydonida “Bir kontur - bir mahsulot” tamoyili asosida ijaraga olingan yerlardagi issiqxonalar va yomgʻir suvlaridan oqilona foydalanish maqsadida tashkil etilayotgan innovatsion issiqxonalardan samarali foydalanish mexanizmlari ko'rib chiqildi.

Kasbi tumanining og‘ir hududi sifatida tanlab olingan Denov, Tinchlik hamda Oqjangal mahallalarida aholini tadbirkorlikka jalb qilish, bandligini ta’minlash borasida amalga oshirilayotgan ishlar o‘rganildi.

Xususan, vazir xonadonlarda kredit paketlari hisobiga yo‘lga qo‘yilgan ko'chatchilik, gulchilik va sabzichilik kabi loyihalar bilan tanishdi. Mazkur hududdagi ishlarni jadallik bilan tashkil etib, qisqa fursatda yuqori natijalarga erishgan holda og'ir hudud toifasidan chiqarish bo'yicha ko'rsatmalar berdi.

Shundan soʻng, ishchi guruh Koson tumani Paxtazor mahallasida faoliyat olib borayotgan umumiy qiymati 2.1 mln AQSH dollariga teng  "Gold OASIS" MCHJ faoliyati bilan tanishdi.  Mazkur qop ishlab chiqarish korxonasi ishga tushirilishi natijasida 31 ta ish oʻrni yaratilgan.

Mahalladagi hokim yordamchisi ko'magi bilan 100 mln so'mlik imtiyozli kredit evaziga tashkil etilgan bosh kiyim ishlab chiqarish oilaviy korxonasi bilan ham tanishdi. Ayni paytda mazkur korxonada 35 ta ish oʻrni, Esaboy mahallasidagi umumiy qiymati 250 mln so'mlik sabzi mahsulotlarini tozalashga mo'ljallangan mikroloyihada esa 5 nafar ish o'rinlari yaratilgan.

Vazir B. Zaxidov “Arabxona” MFY hududida istiqomat qiluvchi Farhod Saidnazarov xonadonida bo'lib, ularning oila-aʼzolari bilan suhbatlashdi. Ushbu xonadon ahli chorvachilik bilan shug'ullanib, qo'ylari sonini 600 taga yetkazgan. Oilaviy tadbirkorligi natijasida mamlakatimiz bozorini arzon go'sht mahsulotlari bilan ta'minlab kelmoqda.