Vazirlik zimmasiga yuklatilgan vazifalar doirasida ishsiz aholini, xususan, mavjud boʻsh ish oʻrin (vakansiya) lariga  ishga joylashtirish jarayonlari amalga oshirilmoqda.

💻 "Yagona milliy mehnat tizimi" idoralararo dasturiy-apparat kompleksida (my.mehnat.uz) ish beruvchilar tomonidan eʼlon qilingan 400 mingdan ortiq boʻsh ish oʻrinlari haqida maʼlumotlar mavjud. Ushbu boʻsh ish oʻrinlariga ishsiz va ish izlovchilar Kambagʻallikni qisqartirish va bandlik boʻlimlari tomonidan yoʻnaltirilmoqda.

❌Biroq, ishsiz va ish izlovchilarga tavsiya qilinayotgan boʻsh ish oʻrinlarining ish beruvchilarda haqiqatda mavjud emasligi yoki boʻsh ish oʻrinlari toʻgʻrisidagi maʼlumotlar ishonchsizligi aniqlanmoqda.

Shu munosabat bilan Vazirlik, ish beruvchilardan "Yagona milliy mehnat tizimi" idoralararo dasturiy-apparat kompleksi (my.mehnat.uz) dagi boʻsh ish oʻrinlari (shtat birliklari) toʻgʻrisidagi maʼlumotlarning haqqoniyligi, jumladan, ish haqi miqdorlari toʻgʻrisidagi maʼlumotlarni ham joylab borishlarini soʻraydi.

Vazirlik tomonidan boʻsh ish oʻrinlari tizimi va monitoringini takomillashtirish, boʻsh ish oʻrinlariga ega ish beruvchilarga xodimlarni tanlash boʻyicha qulay shart-sharoitlar yaratish choralari koʻrilmoqda.

Takliflar mavjud boʻlgan taqdirda +998 (71) 200-70-30 raqamiga yoʻllashingizni soʻraymiz. Shu bilan birga Vazirlik, kadrlarni hisobga olish boʻyicha xizmat koʻrsatadigan dasturiy mahsulotlar ishlab chiqaruvchilar bilan hamkorlik qilishga tayyorligini bildiradi.