Kambag‘allikni qisqartirish va bandlik vazirligida 2025-2027-yillarda mehnat xavfsizligi va gigiyenasi sohasini yanada takomillashtirish to‘g‘risidagi milliy dastur loyihasining muhokamasi o‘tkazildi.

▪️Unda vazir o‘rinbosari Ra’no Turdiboyeva, Davlat mehnat inspeksiyasi xodimlari, Ijtimoiy-mehnat masalalari bo'yicha uch tomonlama komissiya va ishchi guruh a’zolari, hamda soha bo‘yicha yetakchi ekspertlar ishtirok etdi.

▪️Xalqaro mehnat tashkilotining 187-sonli Konvensiyasi talabi asosida ishlab chiqilgan mazkur dastur fuqarolarning xavfsizlik va gigiyena talablariga javob beradigan qulay mehnat sharoitlarida ishlashga bo‘lgan konstitutsiyaviy huquqlarini ta’minlashga qaratilgan.

Yig‘ilishda xavfsiz mehnat sharoitlarini yaratish orqali ishlab chiqarishdagi baxtsiz hodisalar va kasb kasalliklarining oldini olish milliy dasturning asosiy tamoyili ekanligi qayd etildi.

Muhokamada  ishtirokchilar tomonidan qator taklif va mulohazalar bildirilib, milliy dastur loyihasi yanada takomillashtirildi.