“Aniqlash emas, oldini olish”: vazirlikda moliyaviy nazorat va samaradorlikni oshirishga qaratilgan seminar o‘tkazildi
2026-04-28 19:30:00 / Vazirlik yangiliklari
“Aniqlash emas, oldini olish” — samaradorlikka yetaklovchi yondashuv
Kambag'allikni qisqartirish va bandlik vazirligida Prezidentimizning “Davlat auditi va moliyaviy nazorati faoliyatini yanada takomillashtirishga doir qoʻshimcha chora-tadbirlar toʻgʻrisida”gi PF-252-son Farmoni ijrosi doirasida kengaytirilgan o‘quv-seminari tashkil etildi.
🟦Vazir oʻrinbosari Alisher Muratov raisligida oʻtkazilgan mazkur seminarda vazirlik markaziy apparati va tizim tashkilotlari masʼullari ishtirok etdi.
🟦Tadbirda Hisob palatasi vakili, bosh inspektor Jamshid Kosimov budjet mablagʻlaridan maqsadli va samarali foydalanish, moliyaviy huquqbuzarliklarni barvaqt oldini olish boʻyicha zarur ko'rsatmalar berdi.
🟦Shuningdek, byudjet qonunchiligi buzilishi holatlarining oldini olish va ularning profilaktikasi, mablagʻlardan foydalanishda xavflarni baholash va samaradorlikni tahlil qilish hamda korrupsiyaviy xatarlarni oʻrganish masalalari muhokama qilindi.