Hududlarda sayyor qabullar: Aholi murojaatlari va bandlik masalalari e’tibor markazida
2026-04-03 16:00:00 / Vazirlik yangiliklari
Kambag‘allikni qisqartirish va bandlik vazirligi rahbariyati tomonidan joylarda aholi muammolarini o‘rganish va ularga yechim topish maqsadida ommaviy sayyor qabullar o‘tkazildi.
✅ Qorako‘l tumani:
Vazir o‘rinbosari R. Turdiboyeva ishtirokidagi qabulda asosiy e’tibor korxonalardan ish haqlarini undirish, tadbirkorlik uchun imtiyozli kreditlar ajratish va ssuda masalalariga qaratildi. Shuningdek, tizim orqali ish topgan va kasbga o‘qitilgan fuqarolar o‘z minnatdorchiligini bildirdi.
✅ Navbahor tumani:
Vazir o‘rinbosari S. Boboqulov boshchiligida “Kelajak markazi”da 30 ga yaqin fuqaroning bandlik va tadbirkorlik bo‘yicha murojaatlari ko‘rib chiqildi hamda aniq chora-tadbirlar belgilandi.
✅ Amudaryo tumani:
Vazir maslahatchisi U. Yo‘ldasheva fuqarolar bilan ochiq muloqot o‘tkazdi. Murojaatchilarga bo‘sh ish o‘rinlari, kasbga qayta tayyorlash va davlat tomonidan yaratilgan imtiyozlar bo‘yicha huquqiy tushuntirishlar berildi.
Bu kabi uchrashuvlar aholi turmush darajasini yaxshilash va tizimli muammolarni joyida hal etishda muhim ahamiyat kasb etmoqda.