O‘zbekiston–Xitoy hukumatlararo kichik qo‘mitaning 3-yig‘ilishi bo‘lib o‘tdi
2026-04-02 17:45:00 / Vazirlik yangiliklari
O'zbekiston Respublikasi Kambag‘allikni qisqartirish va bandlik vazirining birinchi o‘rinbosari Marat Jurayev ishtirokidagi mazkur uchrashuvga Xitoy qishloq xo‘jaligi va qishloq ishlari vaziri o‘rinbosari Chjan Chjili raislik qildi.
Yigʻilishda hamkorlikning quyidagi ustuvor yoʻnalishlari belgilandi:
🟦 Qo‘shma ilmiy tadqiqotlar orqali kambag‘allik sabablarini o‘rganish;
🟦 2026–2027-yillarga mo‘ljallangan yo‘l xaritasini tasdiqlash;
🟦 Xitoyda O‘zbekistonlik mutaxassislar malakasini oshirish;
🟦 Xitoy–FAO maqsadli jamg‘armasi ($130 mln) doirasidagi qo‘shma loyihalar hamda qishloq xo‘jaligida demonstratsion va ko‘rgazmali loyihalarni amalga oshirish.
Shuningdek, janob Chjan Chjili O'zbekiston Respublikasi Bosh vaziri o‘rinbosari Jamshid Qo‘chqorovni 26–28 may kunlari Xitoyda bo‘lib o‘tadigan xalqaro forumga taklif qildi.
Uchrashuv yakunida kichik qoʻmitaning yigʻilish bayoni imzolandi.