Aholi murojaatlarini o‘rganish va hal etish tizimi kuchaytirilmoqda
2026-03-17 18:00:00 / Vazirlik yangiliklari
Kambag'allikni qisqartirish va bandlik vazirligida murojaatlar bilan ishlash tizimini yangi bosqichga olib chiqish va jamoatchilik fikrini chuqur tahlil qilish masalalariga bag‘ishlangan yig‘ilish bo'lib o'tdi.
Unda O‘zbekiston Respublikasi Prezidenti Administratsiyasi, Bosh prokuratura, Kambag'allikni qisqartirish va bandlik vazirligi hamda unung hududiy boshqarmalari va tizim tashkilotlari mas’ullari ishtirok etdi.
Yig‘ilishda murojaatlarga olib kelayotgan muammoning kelib chiqish sabablarini aniqlash va bartaraf etish mexanizmlarini takomillashtirish bo‘yicha ko‘rsatmalar berildi. Shu maqsadda soha mutaxassislaridan iborat maxsus ishchi guruh tuzildi.
Mazkur tashabbus Prezidentimiz raisligida aholi murojaatlari bilan ishlash tizimini yangi darajaga ko‘tarish va jamoatchilik fikrini chuqur tahlil qilish masalalari yuzasidan o‘tkazilgan videoselektor yig‘ilishida belgilab berilgan topshiriqlar ijrosi doirasida amalga oshirilmoqda.