O‘zbekiston va Belarus kasbiy ta’limda strategik hamkorlikni kengaytirmoqda
2026-03-18 11:00:00 / Vazirlik yangiliklari
O‘zbekiston va Belarus o‘rtasida kasbiy ta’lim bo‘yicha hamkorlik kengaymoqda
Kambag‘allikni qisqartirish va bandlik vazirligi hamda Belarus Respublikasining Kasbiy ta’lim instituti (RIPO) o‘rtasida ikki tomonlama hamkorlik uchrashuv bo‘lib o‘tdi.
Unda ishsiz aholini qayta o‘qitish va Belarusning yetakchi korxonalariga ishga joylashtirish, qo‘shma o‘quv dasturlari ishlab chiqish hamda kadrlar tayyorlash bo‘yicha tajriba almashish masalalari muhokama qilindi.
Tomonlar quyidagilar bo‘yicha kelishib oldi:
✔️qo‘shma o‘quv dasturlari va modullarni joriy etish;
✔️o‘zbek ustozlari uchun Belarusda qisqa muddatli malaka oshirish kurslarini tashkil etish;
✔️ishchi kasblarga tayyorlab, Belarus korxonalarida ish bilan ta’minlash imkoniyatini yaratish.
Mazkur hamkorlik yangi ish o‘rinlari yaratish va zamonaviy kasbiy ko‘nikmalarni rivojlantirishga xizmat qiladi.