Kambag‘allikni qisqartirish va bandlik vazirligi tashabbusi bilan HR sohasida trenerlarni tayyorlashga qaratilgan o‘quv dasturiga start berildi!

Dastur xalqaro standartlar asosida tashkil etilgan bo‘lib, HR mutaxassislari uchun Training of Trainers hamda CIPD Level 3 malaka oshirish dasturlarini o‘z ichiga oladi. Loyiha PwC Academy bilan hamkorlikda amalga oshirilmoqda.

Asosiy maqsad — HR mutaxassislarining bilim va ko‘nikmalarini mustahkamlash, zamonaviy boshqaruv yondashuvlarini amaliyotga joriy etish va kelajakda HR trenerlari korpusini shakllantirish.

Ko‘p bosqichli saralashdan o‘tgan ishtirokchilar mamlakatimizda HR sohasini rivojlantirish, zamonaviy boshqaruv madaniyatini shakllantirish va inson kapitalini kuchaytirishga o‘z hissasini qo‘shadi.