2026-yil amalga 1-martdan boshlab Oʻzbekistonda bir qator qonunchilik yangiliklari kiritildi:

Ogʻir toifadagi tumanlardagi oilaviy tadbirkorlikni rivojlantirish dasturlari doirasida ajratiladigan kreditlar foizi yillik 12 foizgacha pasaytirildi;

Tadbirkorlarning barqarorlik reytingini aniqlashda quyidagi qonunbuzilish holatlari ballarni kamaytiruvchi qoʻshimcha mezon sifatida belgilandi:
☑️tasdiqlangan norasmiy bandlik holatlari,
☑️xodimlarga mehnatga haq toʻlashning eng kam miqdoridan past oylik ish haqlarining hisoblanishi.

Oilaviy tadbirkorlikni rivojlantirish dasturlari doirasida ajratilgan kreditlar boʻyicha muammoli qarzdorlikni undirgan hokim yordamchilariga bonus berish tizimi yaratildi;

“Mahalla yettiligi” xulosasiga asosan Ijtimoiy reyestrdagi I guruh nogironligi boʻlgan va mehnatga layoqatli aʼzosi boʻlmagan oilalarning uylari energiya tejamkor qilib taʼmirlanadi;

Elektromobilda taksi xizmati koʻrsatuvchi oʻzini oʻzi band qilgan fuqarolar ijtimoiy soliqni toʻlashda 30 foizgacha chegirma oladi, aeroport va vokzal avtoturargohlaridan 30 daqiqagacha bepul foydalanish imkoniyatiga ega boʻldi;

Davlat xizmatiga ishga kirishda (tanlovlarda) test natijalari bir yilgacha amal qiladi.
☑️Davlat fuqarolik xizmatida mavjud bo'sh ish o'rinlari to'g'risidagi ma'lumotlar "vacancy.gov.uz" elektron platformasida e'lon qilinadi.