O‘zini o‘zi band qilish qanday amalga oshiriladi?
2025-12-15 11:30:00 / Vazirlik yangiliklari
O‘zini o‘zi band qilgan shaxslar — o‘z ishini o‘zi topib, uni o‘zi bajarish orqali daromad ko‘radigan jismoniy shaxslardir.
Repetitorlar, enagalar, santexniklar, elektrchilar, sartaroshlar, kurerlar, avtomobil yuvuvchilari, hunarmandlar, farroshlar, tikuvchilar, dasturchilar va yana ko‘plab kasb egalari o‘zini o‘zi band qiluvchilar bo‘lishlari mumkin.
Ularning faoliyati "O‘zini o‘zi band qilgan shaxs sifatida faoliyatni amalga oshirish tartibi to‘g‘risida nizom" bilan tartibga solinadi.
O‘zini o‘zi band qilishning qanday foydalari bor?
- Uydan ishlashning qonuniy imkoniyati.
- Tasdiqlangan ish staji va pensiya.
- Minimal soliq.
- Rasmiy daromad.
- Minimal hujjatlar.
- Mijozlar bazasini kengaytirish.
Ro‘yxatdan o‘tish tartibi:
🔷Yagona interaktiv davlat xizmatlari portali orqali;
🔷soliq to‘lovchining shaxsiy kabineti yoki DSQning Soliq mobil ilovasi orqali mustaqil ravishda ro‘yxatdan o‘tish mumkin.