Xodimlarga ish haqi to‘lash muddatlari jamoa shartnomasida yoki ichki hujjatda, ular mavjud bo‘lmaganda esa mehnat shartnomasida shart qilib ko‘rsatilgan muddatlarda belgilanadi va har yarim oyda 1 martadan kam bo‘lishi mumkin emas.

Xodimlarga oylik ish haqi, qoida tariqasida,16 kundan ko‘p bo‘lmagan tanaffus bilan ikki qismga bo‘lingan holda (bo‘nak va qolgan qismi) to‘lanadi.

Ish haqi to‘lanadigan kun dam olish kuniga yoki ishlanmaydigan bayram kuniga to‘g‘ri kelsa ushbu kunlar arafasida to‘lanadi.

Ish beruvchi ish haqini to‘lash kechiktirilganligi uchun xodim oldida Mehnat kodeksining 333-moddasida belgilangan miqdorda moddiy javobgar bo‘ladi.