Qishloq xo‘jaligi vazirligi huzuridagi Agrosanoatni rivojlantirish agentligi

Kuni kecha, Agrosanoatni rivojlantirish agentligida O‘zbekiston va Ispaniya o‘rtasida ikki tomonlama uchrashuv bo‘lib o‘tdi, unda  Agentlik vakillari bilan Ispaniyalik mutaxassis Jose Luis Morcillo Rodriguez ishtirok etdi. 

Uchrashuv davomida  barqaror qishloq xo‘jaligi va logistika sohalarida bilim almashish va yangi hamkorlik imkoniyatlari muhokama qilindi. 

Bu hamkorlikdan ko'zlangan maqsad: O‘zbekistonni Yevro'pa bozorga kirish imkoniyatini yaratish hamda Ispaniya tajribasini o'rganishdan iborat.
Bu tashabbuslar esa iqtisodiy o‘sish, innovatsiya va ekologik barqarorlikni rag‘batlantiradi.

Shuningdek, Agentlik  Ispaniyaning ilmiy-tadqiqot institutlari bilan hamkorlikni yo'lga qo'yish,  Ispaniya tajribasini O'zbekistonda qo'llash hamda ushbu hamkorlik asosida memorandum imzolashga kelishib oldi.