O‘zbekiston—FAO: global oziq-ovqat xavfsizligini ta’minlash yo‘lidagi hamkorlik
2025-10-15 19:05:00 / Yangiliklar
Jahonda global oziq-ovqat xavfsizligini ta’minlash va barqaror qishloq xo‘jaligini rivojlantirish dolzarb ahamiyat kasb etayotgan bir paytda, Rim shahrida FAO Bosh direktori Tsüy Dun’yuy bilan O‘zbekiston Respublikasi Qishloq xo‘jaligi vaziri Ibrohim Abdurahmonov o‘rtasida uchrashuv bo‘lib o‘tdi.
Uchrashuvda qishloq xo‘jaligida innovatsion yechimlarni joriy etish, iqlim o‘zgarishiga moslashish, oziq-ovqat xavfsizligini ta’minlash va raqamli transformatsiya yo‘nalishlaridagi hamkorlik istiqbollari muhokama etildi.
Shuningdek, kelgusida O‘zbekistonda LLDC (Landlocked Developing Countries) xalqaro konferensiyasini tashkil etish masalalari ham ko‘rib chiqildi.
Uchrashuv samarali va konstruktiv ruhda o‘tdi. Tomonlar hamkorlikni yanada chuqurlashtirish, qo‘shma loyihalar va tashabbuslarni amalga oshirish borasida o‘zaro tayyorligini bildirdilar.