O‘zbekiston va Xitoy qishloq xo‘jaligi texnikasi sohasida hamkorlikni kengaytirmoqda
2025-08-14 13:30:00 / Yangiliklar
Tashrif davomida delegatsiya “Shandong Swan Cotton Industrial Machinery Stock Co., Ltd” korxonasidagi zamonaviy laboratoriyalar faoliyati bilan tanishib, BMTning 10-sonli Qoidalari asosida elektromagnit moslashuvchanlik (EMS) ko‘rsatkichlarini aniqlash jarayonlarini o‘rganildi.
“Drick Instruments” laboratoriyasida esa eng maqbul asbob-uskunalarni tanlash, ularning texnik imkoniyatlari va narxlarini taqqoslash bo‘yicha muzokaralar olib borildi.
Shuningdek, yiliga 100 mingdan ortiq traktor ishlab chiqarish quvvatiga ega “Weichai Lovol Overseas Sales” zavodi, “Jiangsu World Agriculture Machinery Co., Ltd” va “Jiangsu Huajuye Testing Technology Co., Ltd” korxonalarida bo‘lib, EMS laboratoriyasi uchun zarur texnik shartlar va jihozlarni tanlash masalalari muhokama qilindi.
Tashrif yakunida O‘zbekiston Respublikasi Qishloq xo‘jaligi vazirligi huzuridagi ISCAD va Qishloq xo‘jaligi texnika sinov markazi (QTTSM) hamkorlari bilan birgalikda bir nechta muhim kelishuvlarga erishildi.
Jumladan, QTTSM hududida “Ilmiy ishlab chiqarish texnoparki”ni tashkil etish, traktor va o‘ziyurar qishloq xo‘jaligi texnikalarining elektromagnit moslashuvchanlik ko‘rsatkichlarini aniqlash laboratoriyasini O‘zbekistonda barpo etish hamda Xitoyning yetakchi korxonalari ishlab chiqargan texnikalarni sinovdan o‘tkazish bo‘yicha memorandum imzolandi.
Ushbu tashrif O‘zbekiston qishloq xo‘jaligini modernizatsiya qilish, texnika sinov tizimini xalqaro talablarga moslashtirish va ilg‘or texnologiyalarni joriy etishda muhim qadam bo‘ldi.