O‘zbekiston Respublikasi Qishloq хo‘jаligi vаzirligi

Qishloq xo‘jaligi vazirligi tomonidan agrar sohadagi zamonaviy sug‘orish tizimlarini joriy etish doirasida ko‘plab suv hovuzlari, tomchilatib sug‘orish infratuzilmalari tashkil etilmoqda. Ushbu hovuzlar maxsus membranalar bilan qoplangan, atrofi  to‘siqlar bilan o‘ralgan bo‘lib, asosan,   texnik maqsadlarda ya’ni qishloq xo‘jaligi ekinlarini tomchilatib sug‘orishda foydalanish uchun mo‘ljallangan.

Biroq shunday bo‘lsa-da, ba’zi hollarda bolalarning nazoratsiz holda ushbu hovuzlar yaqinida o‘ynashi, hatto suvga tushishi, cho‘milishi kuzatilmoqda. Bu esa fojiali oqibatlarga olib kelishi,  har qanday xavfni kuchaytirishi tabiiy.

Shu munosabat bilan Qishloq xo‘jaligi vazirligi barcha dehqon va fermerlar,  eng avvalo, ota-onalarni yana bir bor ogohlantiradi:

✅ Tomchilatib sug‘orish uchun tashkil etilgan suv havzalarining atrofi qat’iy tartibda o‘ralishi va xavfsizlik belgilari o‘rnatilishiga e’tibor qaratish;

✅ Bolalarning hovuzlarga yaqinlashishini cheklash, bu haqda ota-onalar o‘z farzandlariga alohida tushuntirish ishlarini  olib borish zarur.

  Hurmatli ota-onalar, bolalaringizni nazoratsiz qoldirmang!  Ular qayerga ketayotgani, kim bilan  va nima bilan shug‘ullanayotganini bilishga, har bir qadamini nazorat qilishga mas’ulsiz.

Faqat shu yo‘l bilangina jazirama yoz kunlarida bolalar hayoti va xavfsizligini ta’minlash, kutilmagan baxtsiz hodisalarning oldini olish mumkin.

Qishloq xo‘jaligi vazirligi eslatadi: har bir inson hayoti qadrli! Sizning e’tiboringiz — farzandlarimiz xavfsizligi garovidir!