O‘zbekiston Respublikasi Qishloq хo‘jаligi vаzirligi

Yig‘ilish avvalida O‘zbekiston Respublikasi Prezidentining “Paxta-to‘qimachilik klasterlari faoliyatini yanada rivojlantirishning qo‘shimcha chora-tadbirlari to‘g‘risida”gi Farmoni loyihasi ishtirokchilarga batafsil o‘qib eshittirildi.

Farmon doirasida Paxta-to‘qimachilik klasterlari kengashini tashkil etish, kengash vazifalari, istiqbolli dasturlar, investitsion loyihalar rejasi, paxta qabul qilish maskanlari sonini ko‘paytirish, to‘qimachilik korxonalarini zamonaviylashtirish hamda sohaga innovatsion texnologiyalarni jalb etish masalalari atroflicha muhokama qilindi.

Shuningdek, yig‘ilish davomida klasterlar faoliyatida uchrayotgan muammolar, mahalliy va xorijiy paxta navlarini yetishtirishda qo‘llanilayotgan zamonaviy texnologiyalar, agrotexnik tadbirlarning holati va ularning samaradorligi tahlil qilindi. Klaster rahbarlari tomonidan Farmon loyihasini takomillashtirish bo‘yicha amaliy va istiqbolli takliflar bildirildi.

Yig‘ilishda, shuningdek, klasterlar hamda fermer xo‘jaliklari o‘rtasidagi hamkorlikni kuchaytirish, oziq-ovqat xavfsizligini ta’minlash, hosildorlikni oshirish, yangi paxta navlari va ularni ekish sxemalarini joriy etish bo‘yicha masalalar ko‘rib chiqildi.

Vazir o‘z navbatida paxta-to‘qimachilik sanoatida moddiy-texnik ta’minotni mustahkamlash, litsenziya va boshqa hujjatlarni rasmiylashtirish jarayonlarini soddalashtirish, shuningdek, navbatdagi umumiy kengash yig‘ilishiga puxta tayyorgarlik ko‘rish bo‘yicha mas’ullarga aniq topshiriqlar berdi.