O‘zbekiston Respublikasi Qishloq хo‘jаligi vаzirligi

Suhbat chog‘ida “Green Tech” asoschilaridan biri Tohir Gyozal kompaniya tomonidan ishlab chiqilgan energiya samarador issiqxona majmualari, zamonaviy avtomatlashtirilgan sug‘orish tizimlari, iqlim nazorati va yuqori hosildorlikka ega texnologiyalar bo‘yicha taqdimot o‘tkazdi.

Uchrashuv davomida tomonlar O‘zbekiston qishloq xo‘jaligi sohasida, xususan, Xorazm viloyatida zamonaviy issiqxonalarni joriy etish va samaradorligi past bo‘lgan issiqxonalarni modernizatsiya qilish bo‘yicha istiqbolli loyihalarni muhokama qildi.

Vazir kompaniyaning tajribasi va innovatsion yondashuvlari mamlakat qishloq xo‘jaligini rivojlantirishda muhim ahamiyatga ega ekanini ta’kidlab, o‘zaro hamkorlikni yanada kuchaytirish zarurligini bildirdi.

Ma’lumot uchun:

“Green Tech” — Ozarbayjonning ilg‘or agrotexnologiya kompaniyasi bo‘lib, xalqaro miqyosda zamonaviy issiqxona majmualarini qurish, modernizatsiya qilish va qishloq xo‘jaligida innovatsion yechimlarni joriy etish sohasida muvaffaqiyatli faoliyat yuritib kelmoqda.