Agrar soha yoshlari – qishloq xo‘jaligi taraqqiyotida hal qiluvchi kuch
2025-06-26 14:35:00 / Yangiliklar
Tadbir avvalida Prezident va yoshlar mavzusiga bag‘ishlangan maxsus videorolik namoyish qilindi. Shundan so‘ng, vazir Ibrohim Abdurahmonov mamlakatimizda amalga oshirilayotgan yoshlarga oid davlat siyosati, qishloq xo‘jaligida izlanuvchan va tashabbuskor yoshlar uchun yaratilgan imkoniyatlar, shuningdek, sohaga tatbiq qilinayotgan islohotlarda yoshlarning o‘rni va ulkan salohiyati haqida batafsil so‘z yuritdi.
Samimiy muloqot tarzida o‘tgan uchrashuvda ilmiy-tadqiqot institutlarida faoliyat yuritayotgan yosh olimlar o‘z ilmiy izlanishlari haqida so‘zlab berdi, shuningdek, agrar soha rivoji borasidagi qiziqtirgan savollariga atroflicha javoblar olishdi.
Tadbir davomida vazirlik va tizim tashkilotlarida yoshlar uchun ijtimoiy loyihalarni rivojlantirish, ularning faoliyat yo‘nalishlarini kengaytirish bo‘yicha qator foydali takliflar ilgari surildi.
Uchrashuv yakunida yoshlarga Qishloq xo‘jaligi vazirligi hamda Yoshlar ishlari agentligining esdalik sovg‘alari topshirildi. Shuningdek, “Yoshlar oyligi” doirasida o‘tkazilgan tadbirlarni yuqori saviyada tashkil etgani uchun Yoshlar ishlari agentligi tomonidan vazirlik rahbariyatiga tashakkurnoma va esdalik sovg‘alari taqdim etildi.