Tizimli yondashuv va xalqaro hamkorlik masalalari muhokama qilindi
2025-06-26 14:30:00 / Yangiliklar
Yig‘ilish avvalida tizimda olib borilayotgan ishlarning natijadorligi chuqur tahlil qilindi. Mavjud muammolar va ularni bartaraf etish bo‘yicha ishlab chiqilgan taklif va tavsiyalar tinglandi. Hududlardagi faoliyat yuzasidan mas’ul rahbarlarning hisobotlari eshitildi.
Muhokamalarda, shuningdek, yaqinda Mo‘g‘uliston Respublikasiga amalga oshirilgan rasmiy tashrif va uning doirasida erishilgan kelishuvlar tahlil qilinib, boshlanayotgan loyihalar samaradorligi yuzasidan fikr almashildi. Vazir loyiha va tashabbuslarni amalga oshirishda zamonaviy standartlar asosida ishlash muhimligini alohida ta’kidladi.
Yig‘ilishda qo‘shimcha ravishda hamkorlikka oid yangi qaror loyihalarini ishlab chiqish, chorvachilik, sabzavotchilik, savdo va eksport-import yo‘nalishlaridagi tashabbuslarning izchilligini ta’minlash uchun maxsus ishchi guruh tashkil etish taklifi ko‘rib chiqildi va bu bo‘yicha aniq topshiriqlar berildi.
Shuningdek, Ozarbayjon Respublikasiga rejalashtirilgan rasmiy tashrifga tayyorgarlik ko‘rish, u yerda muhokama qilinadigan ustuvor masalalar va taqdim etiladigan istiqbolli loyihalar bo‘yicha mas’ullar fikrlari tinglandi. Delegatsiya oldidan barcha tashkiliy tayyorgarliklar ishlarini belgilangan tartibda amalga oshirilishi lozimligi qayd etildi.
Yig‘ilishda Qishloq xo‘jaligini rivojlantirishga qaratilgan yangi investitsiya dasturi ham muhokama qilinib, mavjud rejalar qayta ko‘rib chiqildi. Agrar sohaga jalb etilayotgan grant va investitsiyalar hajmini kengaytirish dolzarbligi alohida ta’kidlandi.
Shuningdek, gender tengligini ta’minlash bo‘yicha Gender strategiyasini ishga tushirishga bag'ishlangan Yuqori darajadagi Milliy muloqot tadbirini yuksak saviyada tashkil etish yuzasidan tegishli ko‘rsatmalar berildi.
Muhokamalar yakunida Vazir Ibrohim Abdurahmonov amalga oshirilayotgan islohotlarning dolzarbligiga to‘xtalib, e’tiborsizlik va sustkashlikka yo‘l qo‘yib bo’lmasligiga alohida urg’u qaratdi va barcha rahbarlarga bugungi kun tartibida belgilangan vazifalar ijrosini to‘liq ta’minlash bo‘yicha aniq topshiriqlar berdi.