O‘zbekiston Respublikasi Qishloq хo‘jаligi vаzirligi

Ozarbayjon, Qirg‘iziston, Qozog‘iston, Turkiya, O‘zbekiston va Vengriya davlatlarining qishloq xo‘jaligiga mas’ul rahbarlari ishtirok etgan mazkur yig‘ilishda oziq-ovqat xavfsizligini ta’minlashda organik qishloq xo‘jaligining o‘rni, tuproq unumdorligini oshirish, suv resurslari va bioxilma-xillikni muhofaza qilish, shuningdek, iqlim o‘zgarishiga moslashish masalalari muhokama qilindi.

Turkiy davlatlar tashkiloti doirasida raqamli agromalumotlar platformasini yaratish, ma’lumot almashinuvi va harakatlarni muvofiqlashtirish, qishloq xo‘jaligi va oziq-ovqat mahsulotlari uchun TDT hududida ishlab chiqarilgan mintaqaviy brendni ilgari surish tashabbuslarini qo‘llab-quvvatlash yuzasidan komminikyue va yo‘l xaritasi imzolandi.

Tadbirlar doirasida TDTga a’zo davlatlarning qishloq xo‘jaligi ko‘rgazmasi ham tashkil etildi.

Unda O‘zbekiston qishloq xo‘jaligi sohasida amalga oshirilayotgan raqamlashtirish loyihalari, innovatsion ishlanmalari, erishilgan yutuqlari hamda qayta ishlangan va eksportga yo‘naltirilgan oziq-ovqat mahsulotlari ishtirokchilarga namoyish etildi.

Ko‘rgazmada O‘zbekiston qishloq xo‘jaligi mahsulotlarini ishlab chiqaruvchi korxonalar o‘z mahsulotlarini taqdim etdi.

Shu bilan birga, ishtirokchilarga qishloq xo‘jaligini raqamlashtirish yo‘nalishidagi olib borilayotgan ishlar, ishlab chiqilgan zamonaviy axborot tizimlari va ularning amaliy natijalari haqida batafsil ma’lumot berildi.