O‘zbekiston Respublikasi Qishloq хo‘jаligi vаzirligi

Xorijiy, ya’ni ko‘sak qurtiga chidamli intensiv usulda ekilgan (plyonka ostida, 1 ga = 220–240 ming ko‘chat) maydonlar uchun:

Dala atrofida himoya kamari:

Dala atrofida 20% gacha mahalliy navlardan iborat “xo‘rak (qochoq)” maydon tashkil etilishi kerak.

Baland bo‘yli ekinlar bilan himoya:

Urug‘lik maydonlar atrofi oq jo‘xori, supurgi kabi baland o‘simliklar bilan to‘liq o‘ralgan bo‘lishi lozim.

Feromon tuzoqlar:

Ko‘sak qurti kapalagining uchishini nazorat qilish uchun har 1 gektarga kamidan 2 ta feromon tuzoq o‘rnatiladi.

Feromon tuzoqlarga 3–4 ta kapalak tushsa:

1 gektarga 4–5 gramm trixogramma har 3 kunda tarqatiladi (jami 3 marta).

So‘ng, brakon entomofagi 4–5 ming dona miqdorda har 10 kunda tarqatiladi.

Feromon tuzoqlarga 8–10 ta kapalak tushsa:

Bu holda bir marta kimyoviy ishlov beriladi (taxminan tuxumdan chiqqan lichinkalarni yo‘qotish uchun).

Mahalliy (chidamsiz) g‘o‘za navlari uchun:

Feromon tuzoqlar:

Har gektarga 2 tadan feromon tuzoq o‘rnatiladi.

Tuzoqlarga 3–4 ta kapalak tushsa:

4–5 gramm trixogramma har uch kunda, jami 3 marta tarqatiladi.

Keyin brakon entomofagi 4–5 ming dona miqdorda har 10 kunda tarqatiladi.

Tuzoqlarga 8–10 ta kapalak tushsa:

Ishlov indoksokarb, emamektin yoki xlorantraniliprol ta’sir etuvchi moddasiga ega kimyoviy vositalardan biri bilan olib boriladi.

Keyingi ishlovda boshqa moddaga ega vosita bilan almashtiriladi.

100 tupda 5–6 dan ortiq qurt aniqlansa:

Darhol yuqoridagi kimyoviy vositalardan biri bilan ishlov o‘tkaziladi.

10–15 kundan so‘ng 4–5 ming dona brakon paraziti tarqatiladi.

Eslatma:

Har 3 kunda dalaning diagonali bo‘yicha 5 ta nuqtadan, har birida 100 tupdan (jami 500 tup) kuzatuv o‘tkaziladi.

Har bir tadbir dala daftariga yozib boriladi.

Kimyoviy vositalar karantin inspektori xulosasi asosida qo‘llaniladi.