O‘zbekiston Respublikasi Qishloq хo‘jаligi vаzirligi

Mazkur muloqot o‘zaro hurmat, do‘stlik va ishchanlik ruhida kechdi. Unda ikki mamlakat o‘rtasidagi mavjud agrar hamkorlik aloqalari tahlil qilinib, kelgusidagi istiqbolli yo‘nalishlar yuzasidan fikr almashildi.

Ayniqsa, sholichilik va baliqchilik sohalarida tajriba almashish, zamonaviy texnologiyalarni tatbiq etish hamda qo‘shma loyihalarni amalga oshirish masalalari asosiy e’tibor markazida bo‘ldi. Ta’kidlash joizki, Bangladesh ushbu yo‘nalishlarda boy tajribaga ega bo‘lsa, O‘zbekiston esa ilg‘or innovatsion yondashuvlari bilan tanilgan.

Shuningdek, tomonlar o‘zaro qishloq xo‘jaligi mahsulotlarini import va eksport qilish, agrar ta’lim tizimida hamkorlik qilish, o‘quv dasturlari, stajirovka va malaka oshirish dasturlarini yo‘lga qo‘yish bo‘yicha qator takliflarni muhokama qildilar.

Bu esa nafaqat iqtisodiy aloqalarni, balki ilmiy-tadqiqot hamda kadrlar tayyorlash sohasidagi strategik sheriklikni yangi pog‘onaga olib chiqishi kutilmoqda.

Elchi Monirul Muhammad Islom uchrashuv davomida O‘zbekistonning agrar sohada to‘plagan tajribasi va ilg‘or ishlanmalari Bangladesh uchun katta qiziqish uyg‘otayotganini ta’kidladi. Shu ma’noda, yaqinda Bangladeshdan bir guruh agrar mutaxassislarni mamlakatimizga yuborib, tajriba almashish tashabbusi ilgari surildi.

Uchrashuv yakunida ikki tomonlama takliflarni huquqiy jihatdan mustahkamlash, amaliy natijalarga erishish maqsadida hamkorlik memorandumi loyihasini ishlab chiqish va ushbu yo‘nalishda ishchi guruh tuzish bo‘yicha kelishuvga erishildi.