O‘zbekiston Respublikasi Qishloq хo‘jаligi vаzirligi

Muloqot davomida ikki tomonlama hamkorlik istiqbollari muhokama qilindi. Jumladan, O‘zbekiston qishloq xo‘jaligi mahsulotlarini xalqaro bozorlarga olib chiqish, ilg‘or raqamli texnologiyalarni joriy etish, hamda mamlakatda investorlar uchun yaratilgan qulay sharoitlar yuzasidan fikr almashildi.

GoGlobal.Trade — bu global savdo jarayonlarini raqamlashtirish, eksport imkoniyatlarini kengaytirish va sertifikatlash jarayonlarini soddalashtirishga ixtisoslashgan xalqaro onlayn platforma hisoblanadi.

Uchrashuvda O‘zbekiston fermerlari va agrosanoat klasterlari uchun mazkur platforma orqali yangi bozorlar eshiklarini ochish, xalqaro standartlarga mos eksportni yo‘lga qo‘yish hamda zamonaviy tahliliy vositalardan foydalanish imkoniyatlari alohida ta’kidlandi.

Shuningdek, O‘zbekistonning kichik va o‘rta biznes subyektlarini GoGlobal.Trade platformasi bazasiga kiritish, mahalliy mahsulotlarni xalqaro ko‘rgazmalar va tenderlarda targ‘ib qilish, moliyaviy va logistika xizmatlariga oid raqamli yechimlarni joriy etish borasidagi amaliy hamkorlik yo‘lga qo‘yilishi masalalari ham muhokama qilindi.