O‘zbekiston Respublikasi Qishloq хo‘jаligi vаzirligi

Mazkur loyiha doirasida sug‘orish jarayonlari sun’iy intellekt yordamida avtomatik tarzda boshqariladi, suv sarfi esa aniq nazorat qilinadi. Shuningdek, iqlimiy holatni tahlil qilish, tuproq namligi va hosildorlikni bashorat qilish tizimlari to‘liq integratsiyalashgan.

O‘zbekiston delegatsiyasi ushbu tizimning afzalliklarini chuqur tahlil qilib, bunday ilg‘or yondashuvni mamlakatimizda ham joriy etish imkoniyatlari yuzasidan “XAG” kompaniyasi rahbariyati  bilan ikki tomonlama muzokaralar o‘tkazdi.

Tomonlar, eng avvalo, ushbu aqlli tizimni O‘zbekiston hududida tajriba tariqasida joriy etish, uni sinovdan o‘tkazish va kelgusida keng tatbiq etish bo‘yicha dastlabki kelishuvlarga erishdilar.

Muhokamada dronlarni boshqarish sohasida Toshkent davlat agrar universitetida o‘quv amaliy  laboratoriyasini tashkil etish, "O‘zdavyerloyiha” DILI bilan agrodronlar servis xizmatini joriy qilish, dron operatorlarini tayyorlash va malaka oshirish kurslarini yo‘lga qo‘yish kabi yo‘nalishlarning hamkorlik masalalarida fikrlar almashildi.

Uchrashuv yakunida ikki tomonlama hamkorlikni mustahkamlovchi Anglashuv Memorandumi imzolandi.

Unga ko‘ra, o‘quv markazini tashkil etish orqali mutaxassislarni tayyorlash va qayta tayyorlash, tajriba va mutaxassislar (dizaynerlar) almashinuvi,  treninglar tashkil etish, uchuvchisiz uchish apparatlaridan foydalanish, qishloq xo‘jaligida aqlli sug‘orish texnologiyalarini joriy etish borasida hamkorlik olib boriladi.

Mazkur hamkorlik O‘zbekistonda qishloq xo‘jaligini zamonaviylashtirish, resurslarni tejovchi texnologiyalarni joriy etish va raqamli yondashuvlar asosida yangi natijalarga erishishda muhim bosqich bo‘lib xizmat qiladi. Bu, shuningdek, O‘zbekiston – Xitoy strategik sherikligining amaliy ifodasi, ya’ni o‘zaro ishonch va manfaatlar asosidagi hamkorlikni yangi bosqichga olib chiqish yo‘lidagi  qadamdir.

Bugungi kunda raqamlashtirish nafaqat sanoatda, balki agrar sohada ham zaruratga aylangan. “Aqlli dala”lar — bu nafaqat samaradorlikni oshirish, balki yer va suv resurslarini muhofaza qilish, ekologik barqarorlikni ta’minlash va oziq-ovqat xavfsizligini mustahkamlashning ishonchli yo‘lidir.