O‘zbekiston Respublikasi Qishloq хo‘jаligi vаzirligi

18 gektar maydonni egallagan hududda yakka tartibda 76 sxemada ekilgan mahalliy “Sulton” navi ekilgan bo'lib,  rivojlanishi o'rtacha.

Vazir hududni ko‘zdan kechirar ekan, avvalo, g‘o‘zaning yetilishi va agrotexnik tadbirlarning o‘z vaqtida amalga oshirilganligiga e’tibor qaratdi.

Shuningdek, yondosh hududda joylashgan 10 gektarlik hududda Xin Lu Zao-78 navi ekilgan maydon ham sinchiklab o‘rganildi, buning ham rivojlanishi o‘rtacha.

Ikki turdagi navlar – mahalliy va xorijiy – o‘rtasidagi farqlar, ularga nisbatan qo‘llanilgan yerga ishlov berish texnologiyalari, o‘simliklarni parvarishlashdagi yondashuvlar amalda solishtirildi.

Har ikki hududdagi agrotexnik chora-tadbirlar puxta rejalashtirilgani, ekin maydonlarida zamonaviy yondashuvlar qo‘llanilayotgani alohida e’tirof etildi.

Vazir, o‘z navbatida, hosildorlikni oshishida agrotexnik tadbirlarning o‘rni  muhimligi, aynan ilmiy asoslangan yondashuv va tajribaga tayangan agrotexnologiyalar  zamonaviy dehqonchilikning negizini ekanini qayt etdi.

Zero, ilm, fan va tajriba uyg‘unligi bugungi qishloq xo‘jaligi taraqqiyotining asosi hisoblanadi.