Paxtachilikda samaradorlikni oshirish – dolzarb masala
2025-05-31 16:45:00 / Yangiliklar
Mazkur xo‘jalik 18 gektar maydonga ega bo‘lib, unda Xitoyda ishlab chiqarilgan, yuqori hosildorlik va kasalliklarga chidamlilik xususiyatlari bilan ajralib turuvchi Xin Lu Zao-78 navli paxta ekinlari qo‘shqator usulda ochiq dalaga ekilgan.
Tashrif chog‘ida dala maydoni holati o‘rganilib, agrotexnik tadbirlarning ba’zilarini o‘z vaqtida bajarmaslik oqibatida go‘zaning rivojida sustlik kuzatilayotgani aniqlandi. Mutaxassislar tomonidan vegetativ bosqichda yuqoriga cho‘zilgan nihollarni qo‘lda chkonka qilish va Sajem preparatini qo‘llash zarurligi bo‘yicha tegishli tavsiyalar berildi.
Shuningdek, xo‘jalik hududida xo‘rak uchun Sulton navi ekilgan maydon ham mavjud bo‘lib, bu hududda ham zarur agrotexnik tadbirlar belgilangan.
Vazir Ibrohim Abdurahmonov paxtachilikda hosildorlikni oshirish uchun resurslardan oqilona foydalanish, suv tejovchi texnologiyalarni joriy etish, o‘g‘itlardan me’yorida va ilmiy asosda foydalanish, begona o‘tlarga qarshi kurashni tizimli tashkil etish, shuningdek, zararkunandalarga qarshi biologik vositalardan foydalanishni kengaytirish lozimligini alohida ta’kidladi.
Albatta, har bir agrotexnik tadbir o‘z vaqtida va sifatli bajarilsa, natijada yuqori samaradorlikka erishish mumkin.